Puisi Bali

In adalah salah satu contoh puisi Bali. Contoh puisi ini saya ambil dari akun Facebook guru saya sendiri.

NYANTOS

Yen wenten gatra
arsa tedun saking muncuk tarune

ageng aluhur woh katah
kembang tan kirang warni

meled titiang uning ring warni
alep yan alus
manawi abra

yan tedun ring negari
sregepang saha sanjata
panameng iringan
titiang sayaga pacang nyangra
nabuhang gendongan
mendak saha umbul-umbul
ring ajeng nyambrahma
tetabuhan gegilak rasmi

rahina tan keni wilang
sasih lan warsa tan keni carca
lintang sampun
malih ipidan iaratu tedun
manawi kemad ngaksi i padang teki
tuh tan keni toya
mehan ayat padem
manawi tan arsa tedun
miarsa i becica tanah
tuna rupa kirang paribasa

minab ajrih pacang tedun
mapadu ring taru kepuh
pangulun setra
nyanding taru waringin
uluning desa
sampunang janggel
titiang nyantos
(kasurat ring Alice Spring, Australia, 21/11/2001)